Kaisa ang pamahalaang panlalawigan

Kaisa ang pamahalaang panlalawigan sa pamumuno ni Gov. LALA TALIÑO-MENDOZA sa idinaos ngayong araw Nobyembre 27, 2024 na tree planting activity sa kapitolyo bilang bahagi ng selebrasyon ng Civil Engineering Month. Pinangunahan ito ng Philippine Institute of Civil Engineers, Inc. (PICE)-North Cotabato Chapter at ng Provincial Engineer's Office (PEO) sa pamamahala ni Engr. Esperidion S. Taladro, PICE Officers and Board of Directors, at PEO Civil Engineers.

Ang tree planting ay ginanap sa likurang bahagi ng Pavilion, Provincial Capitol Grounds, Amas, Kidapawan City, kung saan 100 na narra at molave seedlings mula sa Office of the Provincial Agriculturist (OPAg) ang itinanim. Bahagi ito ng isinusulong na pangangalaga sa kalikasan at pagpapanatili ng isang malinis at maayos na kapaligiran.

Bukod sa tree planting, lumahok din ang nasabing grupo sa isinagawang bloodletting activity ng Cotabato Provincial Employees Association (COTGEM), katuwang ang Integrated Provincial Health Office (IPHO), Cotabato Provincial Hospital (CPH) Mobile Blood Donation Team, at ALU-TUCP.

Nakiisa sa mga aktibidad sina Engineers Dolores Aranas at Ernesto Soliven, na parehong miyembro Provincial Advisory Council, PICE President Engr. Eliseo L. Otoc, Cotabato Police Provincial Director PCOL Gilberto Tuzon, at Central Mindanao Colleges (CMC) College of Engineering Dean Engr. Kate Drinnie Sionillo. Kasama rin ang mga kinatawan mula sa BJMP-North Cotabato District Jail, Bureau of Fire Protection (BJMP), Kidapawan City Blood Center, CMC Faculty and engineering students at iba pa.//idcd-pgo j.abellana/ photo by PEO//.

Related Goals 13